اسلام آباد(مانیٹرنگ ڈیسک) نجی ٹی وی پروگرام میں سینئر تجزیہ نگار نے حیران کن دعویٰ کر دیا، سینئر تجزیہ نگار نے کہا کہ جب جی ایچ کیو میں آرمی قیادت کی وفاقی وزراء سے میٹنگ ہو رہی تھی تو وفاقی وزیر خزانہ اسحاق ڈار اس میٹنگ کو درمیان میں چھوڑ کر چلے گئے، اس میٹنگ میں آرمی چیف جنرل راحیل شریف، ڈی جی آئی ایس آئی بھی تھے۔ سینئر تجزیہ نگار نصرت جاوید نے کہا کہ وفاقی وزیر خزانہ برطانوی امدادی ادارے کی سربراہ سے ملنے چلے گئے تھے۔ایک سوال کے جواب میں نصرت جاوید نے کہا کہ اسحاق ڈار آرمی چیف کی میٹنگ سے اسلئے چلے گئے کہ ان کی ملاقات برطانوی امدادی ادارے کی سربراہ سے طے تھی اور وہ انہیں ناراض نہیں کر سکتے تھے۔