شانگلہ (مانیٹرنگ ڈیسک) شانگلہ اور گردو ونواح میں زلزلے کے جھٹکے محسوس کیے گئے جس سے لوگوں میں خوف و ہراس پھیل گیا۔میڈیا رپورٹس کے مطابق ضلع شانگلہ اورگردونواح میں زلزلے کے شدید جھٹکے محسوس کیے گئے ہیں۔ ریکٹر سکیل پر زلزلے کی شدت 5ریکارڈ کی گئی ہے جس کی گہرائی 111کلو میٹر زیر زمین تھی۔ زلزلہ کے باعث لوگوں میں خوف پھیل گیا جو کلمہ طیبہ کا ورد کرتے ہوئے اپنے گھروں سے باہر نکل آئے اور کھلے آسمان تلے جمع ہو گئے۔ زلزلے کا دورانیہ ایک منٹ سے کم تھا تاہم شدت اس قدر زیادہ تھی کہ لوگ خوف کے مارے بے اختیار گھروں سے باہر نکل آئے۔زلزلہ پیما مرکز کا کہنا ہے کہ زلزلے کا مرکز مرکز افغانستان تاجکستان بارڈرکاعلاقہ تھا۔ دوسری جانب ڈیزاسٹر مینجمنٹ حکام نے بتایا ہے کہ تاحال زلزلے کے باعث کسی مقام سے عمارت کے گرنے یا جانی نقصان کی اطلاع موصول نہیں ہوئی مگر نقصانات کا پتہ لگانے کی کوشش کی جا رہی ہے۔