اسلام آباد (آن لائن) وزیر اعظم نواز شریف کی ہدایت پر عظیم باکسر محمد علی کی نماز جنازہ میں امریکہ میں پاکستانی سفیر جلیل عباس جیلانی شرکت کریں گے ۔بدھ کے روز وزیر اعظم ہاؤس اسلام آباد سے جاری بیان میں کہا گیا ہے کہ وزیر اعظم نواز شریف کی خصوصی ہدیات پر امریکہ میں تعینات پاکستانی سفیر جلیل عباس جیلانی عظیم باکسر محمد علی کلے کی نماز جنازرہ میں شرکت کریں گے ۔ پاکستانی سفیر جلیل عباس جیلانی محمد علی کے جنازے میں پاکستانی حکومت اور عوام کی نمائندگی کریں گے واضح رہے کہ محمد علی کی نمازہ جنازہ امریکہ میں ان کے آبائی علاقے لوئس ویل میں اسلامی روایات کے مطابق ادا کی جائیں گی ۔ جنازے میں دنیا بھر سے اہم مسلم شخصیات سمیت دیگر غیر مسلم افراد بھی شرکت کریں گے ۔