اسلام آباد (مانیٹرنگ ڈیسک) محکمہ موسمیات کا کہنا ہے کہ آج6جون کو رمضان المبارک 1437ہجری کا چاند نظر آنے کا امکان ہے اور سات جون کو پہلا روزہ ہوگا۔نجی ٹی وی کے مطابق 6جون کو چاند کی عمر 35گھنٹے سے زائد ہو گی جبکہ چاند نظر آنے کیلئے کم از کم عمر 31گھنٹے ہوئی چاہئے۔ محکمہ موسمیات کی جانب سے جاری بیان میں مزید کہا گیا ہے کہ چاند کی پیدائش 5جون کو صبح 7بجکر 59منٹ پر ہوئی اور 6جون کو رمضان المبارک 1437ہجری کا چاند نظر آنے کا قوی امکا ن ہے جبکہ پہلا روزہ 7جون کو ہو گا۔ماہری کے مطابق آج 6 جون کو بلوچستان اور سندھ کے ساحلی علاقوں سمیت ملک کے بیشتر علاقوں میں چاند نظر آسکتاہے۔ماہرین کے مطابق آج چاند نظر آنے کا دورانیہ 7 بجکر 24 منٹ سے 8 بجے تک ہوگا۔