اسلام آباد(مانیٹرنگ ڈیسک) نجی ٹی وی کے پروگرام میں گفتگو کرتے ہوئے معروف میڈیا پرسن نے کہا کہ ’’کچھ دن قبل میاں شہباز شریف اور وزیر داخلہ چوہدری نثار نے آرمی چیف راحیل شریف سے ملاقات کی۔ ملاقات میں شہباز شریف اور چوہدری نثار نے آرمی چیف سے کہا کہ ہم آپ کی مدت ملازمت میں توسیع کرنا چاہتے ہیں جس کے جواب میں آرمی چیف راحیل شریف نے کہا کہ اس موضوع کو سائیڈ پر کر دیں اور مجھ سے اس طرح کی کوئی بات نہ کریں۔ آپ ملاقات کیلئے آئے ‘بہت شکریہ ‘‘۔معروف میڈیا پرسن سہیل احمد(عزیزی) نے کہا کہ شہباز شریف اور چوہدری نثار کی آرمی چیف سے ملاقات کے بعد پاکستان مسلم لیگ (ن) میں اختلافات شروع ہو گئے ہیں۔ (ن) لیگ کی اعلیٰ قیادت میں یہ بحث شروع ہو گئی کہ شہباز شریف اور چوہدری نثار یہ بات کہنے کیوں گئے؟ پاکستان مسلم لیگ(ن) کی مرکزی قیادت نے اس بات پر شدید تحفظات کا اظہار کیا۔