اسلام آباد (آن لائن) وزیر اعظم ہاؤس نے محکمہ موسمیات سے یکم جون کے طوفان کی پیشگی اطلاع نہ دینے پر وضاحت طلب کر لی محکمہ موسمیات پیشگی اطلاع دینے سے مکمل طورپر ناکام رہا جس کی وجہ سے قیمتی جانوں کا ضیاع ہوا ۔ تفصیلات کے مطابق وزیر اعظم ہاؤس نے محکمہ موسمیات سے یکم جون کو آنے والے طوفان کی پیشگی اطلاع نہ دینے سے متعلق وضاحت طلب کر لی ۔ وزیر اعظم ہاؤس کی طرف سے محکمہ موسمیات کو 24 گھنٹوں میں رپورٹ پیش کرنے کی ہدایت کی ہے ترجمان وزیر اعظم ہاؤس کے مطابق یکم جون کو خیبرپختونخوا ، پنجاب اور اسلام آباد میں شدید آندھی آئی جس کی وجہ سے کئی قیمتی جانوں کے ساتھ بھاری مالی نقصان ہوا انہوں نے بتایا کہ محکمہ موسمیات طوفان کے لئے اطلاع دینے میں مکمل طور ناکام رہا ہے جس پر شدید تحفظات ہیں انہوں نے مزید بتایا کہ محکمہ موسمیات جو رپورٹ پیش آئے گی اسے وزیر اعظم نواز شریف کو پیش کی جائے گی واضح رہے کہ یکم جون کو کے پی کے ، پنجاب اور اسلام آباد میں شدید طوفان آیا تھا جس کے نتیجے میں جانی و مالی نقصان اٹھانا پڑا ۔