اسلام آباد(نیوزڈیسک)اسلام آباد میں طوفانی ہوائیں،مکانوں کی چھتیں اُڑ گئیں،سیوتھ ایونیو پر کھمبا گرنے سے ٹریفک جام،اسلام اباد بینظیر انٹرنیشنل ایئرپورٹ پر فلائٹ آپریشن معطل ہوگیا، متعددافرادزخمی،ہسپتالوں میں ایمرجنسی نافذ کردی گئی،تفصیلات کے مطابق اسلام آباد میں تباہی مچ گئی،شدید طوفان اور تیز ہواؤں کے جھکڑوں نے راولپنڈی اسلام آباد میں تباہی مچادی، درخت جڑوں سے اکھڑ گئے ،بجلی کے کھمبے گر گئے،گاڑیوں پر درخت اور بجلی کے کھمبے گرنے سے شدید چیخ و پکار، چنگاڑتی ہوائیوں نے سب کچھ تہہ و بالا کرکے رکھ دیا، امدادی ادارے حرکت میں آگئے، انٹرنیٹ و بجلی کی سپلائی شدید تعطل کا شکار ہوگئی ، بجلی کے کھمبے گرنے اور درخت گرنے سے متعدد افراد کے زخمی ہونے کی اطلاعات موصول ہوئی ہیں تاہم ابھی تک کسی ہلاکت کی خبر نہیں ملی، تیز ہواؤں کے بعد اب ہلکی ہلکی بارش شروع ہوگئی ہے مگر خوفناک جھکڑوں کاسلسلہ بدستور جاری ہے۔