راولپنڈی (این این آئی)آپریشن ہوگیا،ڈاکٹرز کی رپورٹ سامنے آگئی،وفاقی وزیر اطلاعات پرویز رشید نے کہا ہے کہ وزیراعظم نوازشریف کی سرجری کامیاب رہی ہے اور ڈاکٹرز نے سرجری پر اطمینان کا اظہار کیا ہے۔راولپنڈی میں ایک تقریب سے خطاب کرتے ہوئے انہوں نے کہا کہ وزیر اعظم نواز شریف کی صحتیابی کیلئے قوم کی دعائیں قبول ہوئی ہیں اور ان کی سرجری ڈاکٹروں کے اطمینان کے مطابق ہوئی ہے۔انہوں نے کہا کہ ملک بھر میں تمام مذاہب کے لوگوں نے وزیراعظم کی صحت کیلئے دعائیں کیں،دنیا بھرکے لوگ وزیراعظم کی صحت کے لیے متفکرہیں۔پرویز رشید نے بتایا کہ ڈاکٹروں کی اطلاع کے مطابق وزیراعظم کی سرجری کے نتائج کامیاب رہے ہیں، وزیراعظم جلد معمول کے کام سر انجام دیں گے۔وزیر اطلاعات نے کہا کہ وزیراعظم کے وژن کی وجہ سے ملک میں امن قائم ہوا اورلوگ جانتے ہیں کہ وزیراعظم کی قیادت میں ملک میں ترقی کا سفرشروع ہوا۔