اسلام آباد(مانیٹرنگ ڈیسک) پاکستان امریکہ کے آگے ڈٹ گیا، ڈرون حملوں کے بعد کی صورتحال کا جائزہ، حکومتی فیصلے کے مطابق پاکستان امریکا یا کسی بھی ملک کی”ڈو مور “کی پالیسی کو اب قبول نہیں کر ے گا،پاکستان تمام ممالک سے برابری کی سطح پرتعلقات رکھے گا۔وفاقی حکومت کے مطابق طالبان لیڈر ملا اختر منصور کی ہلاکت اوربعدازاں امریکی حکام کے بیانات کااعلیٰ حکومتی سطح پرجائزہ لیاگیاہے۔ طے کیا گیا ہے کہ ڈرون حملے کامعاملہ امریکی صدربارک اوباماکے سامنے اٹھایاجائے گا ۔سفارتی ذرائع سے امریکاپرواضح کیاجائے گا کہ دہشت گردی کے خاتمے کیلئے پاکستان کی قربانیوں کے باوجودامریکی کانگریس کی جانب سے فوجی امدادپرعائد پاپندیوں، ڈرون حملے اورحالیہ بیانات پرپاکستان کوسخت تشویش ہے ،اب امریکابرابری کی سطح پر تعاون کرے گا تو پاکستان مزیدتعاون جاری رکھے گا ورنہ امریکاسے تعلقات پراپنی پالیسی پر نظرثانی کرے گا۔