لندن (آئی این پی) وزیراعظم نواز شریف کی دور ہ برطانیہ کے دوران آکسفورڈ اسٹریٹ آمد،اہلیہ اور بیٹے کے ہمراہ مارکس اینڈ اسپنسر ریسٹورنٹ میں کھانا کھایا اور شاپنگ بھی کی۔ تفصیلات کے مطابق پیر کو وزیراعظم نواز شریف آکسفورڈ اسٹریٹ پہنچے۔ وزیراعظم اپنی اہلیہ بیگم کلثوم نواز اور بیٹے حسن اور حسین نواز کے ہمراہ ریسٹورنٹ آئے۔ وزیراعظم نواز شریف نے مارکس اینڈ اسپنسر ریسٹورنٹ میں کھانا کھایا اور شاپنگ بھی کی ۔ ذرائع کے مطابق وزیراعظم نے لندن میں ملبوسات عالمی برانڈ کے آؤٹ لیٹ سے خریدی۔واضح رہے کہ وزیراعظم ان دنوں طبی معائنے کیلئے پانچ روزہ نجی دورے پر لندن میں ہیں۔(اح)