فیصل آباد (نیوز ڈیسک) پاکستان قوم اللہ کی راہ میں دینے والے ہیں، اگر انہیں اعتماد ہو کہ حکومت عوام کا پیسہ عوام کی فلاح کیلئے خرچ کریگی تو لوگ دل کھول کر ٹیکس دیں۔ ان خیالات کا اظہار انہوں نے فیصل آباد جلسہ سے خطاب کرتے ہوئے کیا۔ انہوں نے کہا کہ فیصل آباد میں ستر فیصد لوگوں کو پینے کا صاف پانی نہیں ملتا، ہسپتالوں میں دوائیاں نہیں ہیں ،چھ لاکھ لوگوں کو ہیپاٹائٹس سی ہے۔ انہوں نے کہا کہ میاں نوازشریف کو اسمبلی میں دیکھ کر میرا بڑا دل خراب ہوا، انہیں کافی گرمی لگ رہی تھی، بار بار پانی منگواتے رہے، شکل سے بہت گھبرائے ہوئے لگ رہے تھے، مجھے افسوس ہو رہا تھا کہ کیا فائدہ ایسے پیسے کا ۔مجھے میاں صاحب کو دیکھ کر ترس آ رہا تھا۔ میں کرکٹ میں مخالف کو جب ہراتا تھا تو مجھے اسے دیکھ کر ترس آتا تھا اسی طرح اسمبلی میں نواز شریف کو دیکھ کر مجھے ترس آ رہا تھا۔ انہوں نے کہا کہ جاتی عمرہ کی ستائیس سو پولیس حفاظت کرتی ہے ، برطانیہ کی ملکہ کے پاس بھی اتنی سکیورٹی نہیں۔ ستائیس سو پولیس کے سالانہ خرچ میں سے پچیس فیصد خرچ کے برابر پیسہ میں نے بنی گالہ کی زمین بھی خریدی، اس پر گھر بھی بنایا او رپندرہ سال کا خرچہ بھی نکلا اور اگلے پانچ سال کا خرچہ بھی ہے۔ نواز شریف کی مظلوم شکل دیکھ کر میرے سمیت سب کو ترس آ جاتا ہے مگر اب نواز شریف کو جواب دینا ہو گا۔ انہوں نے نوجوانوں سے کہا کہ آ ئی سی آئی جے گوگل کریں اور پی ٹی آئی کے ارکان کے نام تحریر کریں تو آپ کو کچھ نہیں ملے گا مگر جب شریف فیملی کے نام لکھیں گے تو بچوں کے نام آنے شروع ہو جائیں گے۔ حسن شریف کا لندن میں ایک گھر ساڑھے چھ سو کروڑ روپے میں بکا ہے۔