اسلام آباد(نیوز ڈیسک)سابق صدر پاکستان اور پاکستان پیپلزپارٹی پارلیمنٹیریزکے صدر آصف علی زرداری نے کراچی میں سماجی کارکن خرم ذکی کے قتل کا سخت نوٹس لیتے ہوئے سندھ حکومت کو ہدایت کی ہے کہ بلا کسی تاخیر کے خرم ذکی کے قاتلوں کو گرفتار کرکے ان کو انصاف کے کٹہرے میں لایا جائے۔ سابق صدر پاکستان نے خرم ذکی کے قتل پر سخت رنج و غم اور صدمے کا اظہار کرتے ہوئے ان کے اہلِ خانہ سے تعزیت کا اظہار کرتے ہوئے کہا ہے کہ پاکستان پیپلزپارٹی ان کے دکھ میں برابر کی شریک ہے۔ انہوں نے کہا کہ خرم ذکی شہید کے قاتل قانون کی پکڑ سے بچ نہیں پائیں گے۔ حکومت سندھ قاتلوں کو گرفتار کرکے کیفر کردار تک پہنچانے کے لئے ہر ممکن اقدام اٹھائے گی۔