اسلام آباد (نیوز ڈیسک)وزیراعظم نواز شریف نے کہا ہے کہ پاکستان کا ہر شہری تھیلیسیمیا سے بچاﺅ کےلئے پرعزم ہو کر کام کرے، مرض سے بچاﺅ کےلئے والدین کو بچوں کی شادی سے قبل تھیلیسیمیا ٹیسٹ کرالینا چاہیے۔ اتوار کو تھیلیسیمیا سے بچاﺅ کے عالمی دن کے موقع پر وزیراعظم نواز شریف نے اپنے ایک پیغام میں کہا کہ تھیلیسیمیا کا شکار والدین سے مرض بچوں میں منتقل ہو سکتا ہے، شادی کی عمر تک پہنچنے پر تھیلیسیمیا ٹیسٹ کرانا ضروری ہے۔ انہوں نے کہا کہ پاکستان کا ہر شہری تھیلیسیمیا سے بچاﺅ کےلئے پرعزم ہو کر کام کرے، مرض سے بچاﺅ کےلئے والدین کو بچوں کی شادی سے قبل تھیلیسیمیا ٹیسٹ کرالینا چاہیے۔ تحریک انصاف کے چیئرمین عمران خان نے کہا ہے کہ تھیلیسیمیا ایک ایسی بیماری ہے جس سے پورا خاندان متاثر ہوتا ہے، مرض سے بچاﺅ کےلئے احتیاطی تدابیر اختیار کر کے معاشرہ مشکلات سے بچ سکتا ہے۔ اتوار کو تھیلیسیمیا سے بچاﺅ کے عالمی دن کے موقع پر تحریک انصاف کے چیئرمین عمران خان نے سعودی عرب سے اپنے ویڈیو پیغام میں کہا کہ شادی سے پہلے تھیلیسیمیا کا ٹیسٹ ضرور کروائیں۔ انہوں نے کہا کہ تھیلیسیمیا ایک ایسی بیماری ہے جس سے پورا خاندان متاثر ہوتا ہے، مرض سے بچاﺅ کےلئے احتیاطی تدابیر اختیار کر کے معاشرہ مشکلات سے بچ سکتا ہے۔