لاہور(نیوز ڈیسک) تحریک انصاف کا رائے ونڈ میں ممکنہ دھرنا روکنے کے لئے لاہور ہائیکورٹ میں متفرق درخواست دائر کردی گئی لاہور ہائیکورٹ میں سینئر قانون دان اے کے ڈوگر کی جانب سے دائر متفرق درخواست میں کہا گیا ہے کہ تحریک انصاف کے چیئرمین عمران خان کی تقاریر نفرت پر مبنی ہیں، اور وہ اپنی تقریروں کے ذریعے نفرت کو مزید پروان چڑھا رہے ہیں، درخواست میں کہا گیا ہے کہ پاک فوج اور حکومت دہشتگردی کے خلاف جنگ میں مصروف ہیں جبکہ عمران خان پاکستانی شہریوں کو نفرت کا سبق دے رہے ہیں، عمران خان نے اپنی تقریر میں رائے ونڈ جا کر دھرنا دینے کا علان کر رکھا ہے، جو قوم کو تقسیم کرنے اور ملک میں انتشار کی سیاست کو فروغ دینے کا سبب بن ہوگا، درخواست میں استدعا کی گئی ہے کہ عدالت قومی مفاد کے پیش نظر عمران خان کے ممکنہ دھرنے کو روکنے کا حکم صادر کرے۔۔اور معاملے کی حساسیت کے پیش نظر کیس کی جلد سھماعت کی جائے۔