لاہور(نیوز ڈیسک )تحریک انصاف کے چیئرمین عمران خان نے اگلے اتوار کو فیصل آباد میں جلسہ کرنے کا اعلان کرتے ہوئے کہا ہے کہ وہ فیصل آبادمیں اپنے اگلے لائحہ عمل کا اعلان کریں گے ۔اتوار کو لاہور کے مال روڈ چیئرنگ کراس پر جلسے سے خطاب کرتے ہوئے تحریک انصاف کے چیئر مین عمران خان نے اعلان کیا ہے کہ وہ اگلے اتوار فیصل آباد میں بڑا جلسہ کریں گے جہاں وہ اپنے اگلے لائحہ عمل کا اعلان کریں گے۔انکا کہنا تھاکہ کارکنان تیا ر رہیں ،کبھی بھی رائیونڈ جانے کی کال دے سکتا ہوں ،نواز شریف پر کرپشن ثابت ہوئی تووہ گھر نہیں جیل جائیں گے ۔ عمران خان نے اپنے خطاب میں حکومت کو کڑی تنقید کا نشانہ بنایا ۔