لاہور(نیوزڈیسک)پاکستان تحریک انصاف کے چئیرمین عمران خان لاہور کے کامیاب جلسے پر انتہائی خوش اور پرمسرت دکھائی دیے انہوں نے اپنی تقریر کا اختتام پر جوش الفاظ پر کیاعمران خان نے حاضرین کی بڑی تعداد میں شرکت اور جلسے کے شاندار انتظامات پر عبدالعلیم خان کو تھپکی دیتے ہوئے سینئیر رہنماؤں کی موجودگی میں کہا “وئی آر پراؤڈ آف یو علیم خان” ۔۔۔عمران خان نے کہا کہ یہ شاندار ٹیم ورک کا مظاہرہ ہوا ہے اور پی ٹی آئی کے رہنماؤں اور کارکنوں نے یکجان ہو کر چئیرنگ کراس کے جلسے کو کامیاب کیا ہے زندہ دلان لاہور نے ایک بار پھر خاندانی سیاست اور کرپشن کو مسترد کرتے ہوئے تبدیلی کے حق میں دوٹوک فیصلہ دیا ہے انشا ء اللہ اب روائتی نظام کے خاتمے کا وقت آ گیا ہے عمران خان نے نوجوانوں کی بھرپور شرکت اور خواتین انکلوژر کے شاندار انتظامات پر بھی عبدالعلیم خان اور اُن کی ٹیم کو مبارکباد دیتے ہوئے کہا کہ آج ایک بار پھر مینار پاکستان کے جلسوں کی یاد تازہ ہو گئی ہے جس کا سہرا ماضی میں بھی اسی ٹیم کے سر تھا ۔اور آج ایک مرتبہ پھر پی ٹی آئی کی اسی ٹیم نے کمال کر دکھایا ہے ۔