لاہور(نیوز ڈیسک)وزیراعظم میاں محمد نوازشریف نے این اے 267 میں ضمنی انتخاب جیتنے پر خالد مگسی کو مبارکباد دیتے ہوئے کہا کہ ضمنی انتخاب میں کامیابی بلوچستان میں امن لانے کی کوششوں کی فتح ہے،بلوچستان کے عوام نے پیغام دیا ہے کہ ایسے عناصر کو ناکام بنائیں گے جو پاکستان کی ترقی کا راستہ روکنا چاہتے ہیںایسے لوگ ملک کو اندھیروں میں دھکیلنے کی کوشش کررہے ہیں۔جمعہ کو وزیراعظم میاں محمد نوازشریف نے ضمنی انتخاب جیتنے پر خالد مگسی کو مبارکباددی ۔اس موقع پر اپنے پیغام میں وزیراعظم نے کہا کہ ضمنی انتخاب میں کامیابی بلوچستان میں امن لانے کی کوششوں کی فتح ہے ۔ یہ ان عناصر کی شکست ہے جو پاکستان کی ترقی کا راستہ روکنا چاہتے ہیں اور ملک کو اندھیروں میں دھکیلنا چاہتے ہیں ۔ انہوں نے کہا کہ بلوچستان کے عوام نے پیغام دیا ہے کہ ایسے عناصر کو ناکام بنائیں گے ۔یہ صرف (ن) لیگ نہیں بلکہ بلوچستان کے عوام اور روشن پاکستان کی فتح ہے۔