اسلام آباد /لاہور (نیو زڈیسک) وزیراعظم محمد نواز شریف آج ( جمعرات ) مانسہرہ جبکہ کل ( جمعہ ) اوکاڑہ کا دورہ کریں گے ۔ ذرائع کے حوالے سے بتایا گیا ہے کہ وزیر اعظم نواز شریف آج ( جمعرات ) مانسہرہ جائیں گے جہاں وہ اقتصادی راہداری کے حویلیاں تھاکوٹ موٹروے منصوبے کا سنگ بنیاد رکھیں گے ۔ شاہراہ کی تعمیر کے 90فیصد اخراجات چین کا ایگزم بینک برداشت کرے گا جبکہ 10فیصد اخراجات حکومت پاکستان برداشت کرے گی ۔ ذرائع کے مطابق وزیر اعظم نواز شریف کل ( جمعہ ) اوکاڑہ کا بھی دورہ کریں گے اور گندم کی فضل کٹائی مہم کا آغاز کریں گے ۔ اس کے علاوہ وزیر اعظم نواز شریف کی اوکاڑہ میں عوامی وفود سے ملاقاتیں اور عوامی اجتماع سے خطاب بھی متوقع ہے ۔