لندن(نیوز ڈیسک) ملکی سیاست اسلام آباد سے لندن منتقل ہوگئی اور لندن کے چرچل ہوٹل میں وزیراعظم نواز شریف سے وزیرداخلہ چوہدری نثار نے ملاقات کی جس میں سیاسی صورتحال پر بات چیت کی گئی۔تفصیلات کے مطابق وزیراعظم نواز شریف لندن کے چرچل ہوٹل پہنچے جہاں بعدازاں وفاقی وزیرداخلہ چوہدری نثار، وزیراعظم کے صاحبزادے حسین نواز اور سیکرٹری فواد حسن فواد بھی پہنچے جب کہ ملاقات کے دوران پاناما لیکس کے بعد ملک میں پیدا ہونے والی سیاسی صورتحال سمیت مختلف امور پر تبادلہ خیال کیا گیا۔اس سے قبل وفاقی وزیرداخلہ چوہدری نثار علی خان جرمنی سے لندن پہنچے جو وہاں اب قیام پذیر ہیں جب کہ سابق صدراور پیپلزپارٹی کے شریک چیئرمین آصف علی زرداری کے طلب کرنے پر سابق وزیرداخلہ رحمان ملک بھی لندن پہنچ گئے۔