لاہور (نیوزڈیسک)رائیونڈ کاگھیراﺅ، عمران خان نے اہم فصلوں کی منظوری دیدی،طبل جنگ بج گیا، چیئرمین تحریک انصاف عمران خان کی زیر صدارت پی ٹی آئی پنجاب کی پارلیمانی پارٹی کا اجلاس ہوا ۔ جس میں پنجاب اسمبلی میں قائد حزب اختلاف میاں محمودالرشید نے کارکردگی رپورٹ پیش کی۔اجلاس میں سبطین خان، سعدیہ سہیل، داکٹر مراد راس، ملک احمد بچھڑ، وحید ڈوگر، میاں اسلم اقبال، علی سلمان، خرم شہزاد، راحیلہ اور، آصف محمود، اعجاز خان بخاری ودیگر نے شرکت کی۔اجلاس میں چیئرمین تحریک انصاف عمران خان نے پنجاب اسمبلی میں بہتر کارکردگی پر قائد حزب اختلاف پنجاب کی کارکردگی بالخصوص پانامہ دستاویزات اور سستی روٹی سکیم سمیت دیگر مفاد عامہ کے منصوبوں میں ہونیوالی مالی بد عنوانیوں اور میگا کرپشن کو بے نقاب کرنے کے اقدام کو سراہا۔اس موقع پر عمران خان نے میگا کرپشن کیسز اور پانامہ لیکس کیخلاف شروع ہونیوالی تحریک کیلئے میاں محمودالرشید کو دیگر پارٹیوں کے پارلیمانی لیڈروں سے رابطے تیز کرنے کا ٹاسک دیا۔ اجلاس کے بعدمیڈیا سے گفتگو کرتے ہوئے میاں محمودالرشید کا کہنا تھا کہ پانامہ لیکس نے شرفاءکو بے نقاب کر دیا اب فیصلہ کن تحریک شروع ہونے جا رہی ہے اور اب فیصلہ2018نہیں 2016میں ہی ہو جا ئے گا۔ انہوں نے حکومت کو وارننگ دی کہ تحریک کے آغاز پر حکومت نے اگر کارکنوں کو ہراساں کیا یا گرفتاری کیں تو تمام تر حالات کی خرابی کی ذمہ داری حکومت پر عائد ہو گی اور حکومت ایسے اوچھے ہتھکنڈوں سے اجتناب کرے۔