قاہرہ(نیوز ڈیسک)نامعلوم افراد نے مصری ایئرلائن کا مسافر طیارہ اغوا کرلیا ہے.غیر ملکی خبر ایجنسی کے مطابق مصر کی سرکاری ایئر لائن کا طیارہ اسکندریہ سے دارالحکومت قاہرہ جارہا تھا کہ اس دوران اسے اغوا کرلیا گیا۔ طیارے میں عملے 7 افراد سمیت 62 افراد سوار ہیں۔ ہائی جیکر نے طیارے کو قبرص کے شہر لرناکا کے ہوائی اڈے میں اتار لیا۔ لرناکا ایئرپورٹ کی انتظامیہ کا کہنا ہے کہ طیارے میں ایک مسلح شخص موجود ہے، جس نے طیارے میں سوار خواتین اور بچوں کو باہر جانے کی اجازت دے دی ہےمصری حکام نے طیارے کی ہائی جیکنگ کی تصدیق کرتے ہوئے کہا ہے کہ وہ واقعے کی تفصیلات معلوم کررہے ہیں۔