نئی دہلی (نیوز ڈیسک)بھارت میں پاکستانی ہائی کمیشن نے حریت رہنماؤں کو یوم پاکستان پر ہونے والی تقریب میں شرکت کی دعوت دے دی ہے۔ذرائع کے مطابق پاکستانی ہائی کمیشن میں 23مارچ کو تقریب کا اہتمام کیا جائیگا اس موقع پر ہائی کمشنر کی جانب سے حریت رہنماؤں کے 35 رکنی وفد کو تقریب میں شرکت کی دعوت دی گئی سری نگر میں کل جماعتی حریت کانفرنس کی جانب سے جاری کردہ بیان کے مطابق سید علی گیلانی ، یاسین ملک ، آسیہ اندرابی ،میر واعظ عمر فاروق، شبیر احمد شاہ سمیت متعدد رہنماؤں کو دعوت نامہ بھیجا گیا ادھر پاکستانی ہائی کمیشن کی جانب سے حریت رہنماؤں کو دعوت نے بھارتی سیاستدانوں کو بھڑکا دیا۔ جموں اینڈ کشمیر نیشنل پینتھرز پارٹی کے چئیرمین ہرش دیو سنگھ کے مطابق پاکستان بھارت کے خلاف جنگ لڑنے والوں کو براہ راست دعوت نہیں دے سکتا ایسی تقریب پر پابندی لگنی چاہئے۔