اسلام آباد(نیوز ڈیسک) سعودی عرب کی حکومت نے پاکستان سے آنے والے عمرہ و حج زائرین پر ایئرپورٹ بلڈنگ ٹیکس عائد کردیا۔نجی ٹی وی کے مطابق پاکستان سے حجاز مقدس جانے والے عمرہ و حج زائرین پر ایئرپورٹ بلڈنگ ٹیکس کی مد میں 90 ریال کا اضافی بوجھ ڈال دیا گیا ہے۔ یکم مارچ 2016 کے بعد جتنے بھی پاکستانی زائرین جدہ یا ریاض کے ایئرپورٹ پر پہنچتے ہیں تو ان سے 90 ریال اضافی ٹیکس وصول کیا جاتا ہے اور اسی طرح واپسی پر بھی 90 ریال کا ٹیکس وصول کیا جارہا ہے۔ اگر کسی زائر نے ریٹرن ٹکٹ کروارکھی ہو تو اس سے ایئرپورٹ بلڈنگ ٹیکس کی مد میں 150 ریال اضافی ٹیکس وصول کیا جاتا ہے۔سعودی حکومت کی جانب سے اس اقدام پر پاکستانیوں نے مایوسی کا اظہار کیا ہے۔