نئی دلی(نیوز ڈیسک)بھارت کی جواہر لعل نہرو یونی ورسٹی میں کشمیریوں کیحق میں تقریب منعقد کرنے والے گرفتار طالبعلموں کی حمایت پر کانگریس رہنما،راہول گاندھی،دلی کے وزیر اعلیٰ اروند کیجریوال اور دیگر 5 بھارتی رہنماؤں کے خلاف بھی ایف آئی آر درج کر لی گئی۔بھارتی ریاست تلنگانہ کے ضلع ریڈی میں سرورنگر پولیس اسٹیشن میں کانگریس کینائب صدر راہول گاندھی، دلی کے وزیراعلیٰ اروند کیجریوال اور دیگر 5 رہنماؤ ں کے خلاف پرچہ کاٹ دیا گیا ہے۔ الزام ہے کہ یہ سیاستداں جواہر لعل نہرو یونی ورسٹی کے گرفتار طلبا کی مدد کررہے تھے۔17 فروری کو کانپور میں بی جے پی کے کچھ عہدیداروں نے راہول گاندھی پر جواہر لعل نہرو یونی ورسٹی کے گرفتار طلبا کی حمایت کے الزام میں ایف آئی آر درج کرانے کی کوشش کی تھی تاہم پولیس کے انکار کے باعث ایسا نہ ہوسکا تھا۔