اسلام آباد (نیوزڈیسک)وفاقی وزیربرائے پٹرولیم شاہدخاقان عباسی نے کہاہے کہ ایل این جی منصوبوں میں مبینہ کرپشن کے الزام میں نیب نے مجھ سے رابطہ نہیں کیا،خوشی ہے کہ نیب نے ایل این جی منصوبے کوشفاف قراردیا،ایران پربین الاقوامی پابندیاں مکمل طورپرہٹی نہیں تاہم ایرانی صدرکے دورہ پاکستان کے موقع پراس حوالے سے دوطرفہ گفتگوکاسلسلہ شروع ہوجائیگا۔نجی ٹی وی سے گفتگوکرتے ہوئے ان کاکہناتھاکہ میرے حوالے سے نیب نے ایل این جی ٹرمینل سمیت تمام الزامات مستردکردیئے ،نیب نے براہ راست مجھ سے اس بارے کوئی رابطہ نہیں کیا،ہم نے اس منصوبے کوشفاف طریقے سے سرانجام دیا،اس لئے کہ ملک میں توانائی کاشدیدبحران ہے ،ہمیں خوشی ہوتی کہ نیب ایل این جی منصوبے میں کوئی کرپشن کی نشاندہی نہیں کی اورہمیں شفاف قراردیا۔انہوں نے کہاکہ پاک ایران گیس منصوبہ 2014ء کاتھا2015ء میں ان سے گیس لینی تھی ۔انہوں نے کہاکہ ایران سے مکمل طورپراب بھی بین الاقوامی پابندیاں ختم نہیں ہوئیں ،تاہم پاکستان نے ایران پرپابندیاں ختم کردی ،بین الاقوامی اورایران کے درمیان ٹینشن اب بھی برقرارہے ۔انہوں نے کہاکہ پاک ایران گیس پائپ لائن منصوبہ 2ارب ڈالرمالیت کاہے ،اس میں ہمیں بیرونی سرمایہ کاری کی ضرورت ہے ،اوریہ منصوبہ اگلے دوڈھائی سال میں مکمل ہوجائیگا۔انہوں نے کہاکہ ایرانی صدرکے دورہ پاکستان کے موقع پراس ایشوپربات ہوگی۔