کراچی(نیوز ڈیسک) عزیر بلوچ سے تفتیش کے دوران اہم پیش رفت سامنے آئی ہے اور ملزم نے ذوالفقار مرز اکا نام اگل دیا جس کے بعد رینجرز حکام نے ڈاکٹر ذوالفقار مرزا کو تفتیش کیلئے طلب کر لیا ہے اور اس حوالے سے انہیں باقاعدہ طور پر آگاہ بھی کر دیا گیا۔میڈ یا رپورٹس کے مطابق وزیر اعلی سند ھ کی جانب سے اہم شخصیات سے تفتیش کی اجازت ملنے کے بعد رینجرز حکام نے ڈاکٹر ذوالفقار مرزااور ثانیہ ناز سمیت دیگر 5اہم رہنماوں سے تفتیش کا فیصلہ کیا ہے۔ اس سے قبل زوالفقار مرزا نے عزیر بلوچ سے گہرے روابط اور تعلقات کا اعتراف بھی کیا تھا تاہم ذرائع کا کہنا ہے کہ ذوالفقار مرزا اور دیگر رہنماوں سے جے آئی ٹی تفتیش کرے گی