اسلام آباد (نیوز ڈیسک) بدھ کی شب پارلیمنٹ ہاﺅس میں سپیکر سردار ایازصادق کی جانب سے دی گئی ضیافت میں پائیدار ترقی کے حوالے چین پاکستان اقتصادی راہداری (سی پیک) منصوبے پر چینی سفیر سن وی ڈونگ اور اخبار نویسوں کے مابین بھی دلچسپ مکالمہ ہوا۔ جنگ رپورٹر طاہر خلیل کے مطابق چینی سفیر کا کہنا تھا کہ دونوں ملکوں کی حکومتیں سی پیک منصوبے پر پ±رعزم ہیں اور اقتصادی راہداری پر کوئی رکاوٹ نہیں ہوگی۔ چینی سفیر نے کہاکہ پارلیمنٹ ہاﺅس کی چین کی مدد سے شمسی توانائی پر منتقلی کو سی پیک انرجی منصوبے کا حصہ سمجھنا چاہئے۔ جب چینی سفیر سے استفسار کیا گیا کہ کیا آپ سی پیک منصوبے پر کوئی رکاوٹ دیکھتے ہیں تو چینی سفیر نے کہاکہ سی پیک پر دونوں ممالک کی حکومتیں پرعزم ہیں اور کوئی رکاوٹ نہیں ہوگی۔ سپیکر سردار ایازصادق نے بذلہ سنجی کا مظاہرہ کرتے ہوئے کہا کہ اگر کوئی رکاوٹ ہوئی تو پارلیمنٹ کے سامنے دھرنا دے دیں گے۔ چینی سفیر نے جواب میں کہاکہ دھرنے کی نوبت نہیں آئے گی۔