لاہور(نیوز ڈیسک) چیئرمین نیب نے ڈی جی نیب پنجاب کو کارروائیاں تیز کرنے کے لیے فری ہینڈ دیدیا۔ کرپشن میں کوئی بھی ملوث ہو بلاامتیاز کارروائی کی جائے ، چیئرمین نیب نے ڈی جی نیب کو ہدایات جاری کردیں۔ چئیرمین نیب کی زیر صدارت لاہور آفس میں اہم اجلاس ہوا۔ ذرائع کے مطابق اجلاس میں ڈی جی نیب پنجاب سید برہان علی سمیت 3 افسران موجود تھے۔ ڈی جی نیب نے چئیرمین نیب کو رانا مشہود ویڈیو کیس ، یوتھ فیسٹیول کیس ، پیپلز پارٹی کے آصف ہاشمی کے کیسز کیحوالے سے بریفنگ دی۔ اس موقع پر چئیرمین نیب نے ڈی جی نیب کے اقدامات کو سراہا۔ چئیرمین نیب نے ڈی جی نیب پنجاب کو کارروائیاں تیز کرنے کے لیے فری ہینڈ دیدیا ، چئیرمین نے حکومتی اور سیاسی جماعتوں کے رہنماؤں کے خلاف کیسز کی انکوائری جلد مکمل کرنے کی ہدایت کی۔ چئیرمین نیب نے ڈی جی نیب اور سمیت دیگر افسران سے کہا کہ کرپشن میں جو بھی ملوث ہو کارروائی کریں۔ انہوں نے کہا کہ کسی قسم کے دباؤ کے بغیر کرپٹ افراد کے خلاف کارروائی جاری رکھیں۔