کراچی (نیوز ڈیسک) پی آ ئی اے کی آٹھ روزہ ہڑتال سے ائیر لائن کے خسارے میں مزید پانچ ارب روپے کا اضافہ ہو گیا جبکہ اس دوران 950 کے قریب پروازیں منسوخ ہوئیں‘ پی آ ئی اے کی ایک ہفتہ کے پانچ روز یومیہ150 جبکہ دو روز یومیہ 140 اندرون و بیرون ملک پروازیں ہوتی ہیں ‘ہڑتال کے پہلے روزپی آئی اے کی 60 کے قریب پروازیں منسوخ ہوئی تھیں ‘اس کے بعد تین تا چھ فروری ایک بھی پروازآ پریٹ نہ ہوئی‘جنگ رپورٹراحسن چوہدری کے مطابق سات سے نو فروری تک پی آ ئی اے انتظامیہ کی کوششوں سے چند پروازیں بحال ہو سکیں جن میں زیادہ تر عمرہ زائرین کو وطن لانے اور لے جانے کی پروازیں تھیں جبکہ گلگت کی پرواز کے سوا اندرون ملک آ پریشن مکمل طور پر بند رہا‘منگل کوخصوصی پرواز7338 تین سو زائرین عمرہ کو لیکر جدہ سے کراچی پہنچی ‘اس سے قبل ایک اور پرواز بھی عمرہ زائرین کو کراچی لائی تھی تین روز سات سے نو فروری کے دوران پی آ ئی اے 450 کے قریب پروازوں میں 30روازیں چلانے میں کامیاب ہو سکی۔