اسلام آباد(نیوز ڈیسک )سابق وزیرخارجہ صاحبزادہ یعقوب علی خان انتقال کرگئے وہ23 دسمبر 1920 کو اترپردیش کے شہر رام پور میں پیدا ہوئے‘صاحبزادہ یعقوب علی خان آغا خان یونیورسٹی کے بانی چیئرمین بھی تھے۔ مرحوم نے سابق صدر ضیاء الحق اور جنرل یحیٰ خان کے دورِ حکومت میں وزیر خارجہ کی حیثیت سے خدمات انجام دیں 1993میں سابق نگران وزیر اعظم معین قریشی اور بعدازاں بے نظیر بھٹو نے انہیں اپنے دور اقتدار میں انہیں وزیر خارجہ مقررکیا۔ پاکستان آرمی سے 1972 میں لیفٹینٹ جنرل کی حیثیت سے ریٹائرڈ ہونے کے بعد مرحوم نے فرانس، امریکا اور سوویت یونین میں سفیر کے فرائض بھی سرانجام دئیے۔