اسلام آباد(نیوزڈیسک) وفاقی وزیرداخلہ چوہدری نثارعلی خان جوکہ کچھ دنوں سے علیل تھے ان کوڈاکٹروں نے اب کا م کرنے کی اجازت دے دی ہے ۔اوروفاقی وزیرداخلہ درست ہوتے ہی میجرجنرل کے عہدوں پرترقی پانے والے افسران کی تقریب سے خطاب کیا۔وفاقی وزیرداخلہ چوہدری نثار علی خان نے کہاہے کہ کئی سیاسی لیڈر قومی مفاد کو نظر انداز کرکے اپنی دکانداری چمکا رہے ہیں ٗ کچھ عناصر دوستی کا لبادہ اوڑھ کر عدم استحکام پیدا کرنا چاہتے ہیں ٗ داخلی سلامتی کے لئے مسلسل کوششیں اور نگرانی ضروری ہے۔میجر جنرل کے عہدوں پر ترقی پانے والے افسران سے خطاب کرتے ہوئے وفاقی وزیرداخلہ چوہدری نثار علی نے کہاکہ گزشتہ حکومتوں نے آنکھیں بند کیے رکھیں تاہم موجودہ حکومت نے صورتحال سے نمٹنے کے لئے حکمت عملی بنائی اور پہلی بار سلامتی پالیسی بنائی گئی۔ انہوں نے کہا کہ داخلی سلامتی علاقائی اور جغرافیائی حالات سے متاثرہوتی ہے جس کے لیے داخلی سلامتی کے لئے مسلسل کوششیں اور نگرانی ضروری ہے تاہم سول وعسکری قیادت میں ہم آہنگی سے سیکیورٹی صورتحال بہتر ہوئی ہے۔چوہدری نثار نے کہاکہ کچھ عناصر دوستی کا لبادہ اوڑھ کر صورتحال کا فائدہ اٹھا رہے ہیں ٗ دوستی کا لبادہ اوڑھنے والے ملک میں عدم استحکام پیدا کرنا چاہتے ہیں، جو منفی تاثر پھیلا رہے ہیں۔ انہوں نے کہا کہ کچھ عناصر اور سیاسی جماعتیں قومی مفاد کو نظر انداز کرکے سیاست کررہی ہیں جب کہ کچھ سیاسی لیڈر اپنی دکانداری چمکا رہے ہیں۔