لاہور (نیوز ڈیسک) وزیر اعلیٰ پنجاب محمد شہباز شریف نے کہا ہے کہ سی پیک پاکستان کی ترقی اور خوشحالی کیلئے ایک گیم چینجر ہے ، کہتے ہیں سی پیک کے منصوبوں سے نہ صرف پاکستان بلکہ پورے خطے کو فائدہ پہنچے گا۔ لاہور میں وزیر اعلیٰ پنجاب محمد شہباز شریف سے وفاقی وزیر منصوبہ بندی و ترقیات احسن اقبال نے ملاقات کی۔ ملاقات میں باہمی دلچسپی کے امور ، ملکی صورتحال اور چائنہ پاکستان اکنامک کوریڈور پر تبادلہ خیال پر تبادلہ خیال کیا گیا۔ اس موقع پر وزیر اعلیٰ محمد شہباز شریف کا کہنا تھا کہ سی پیک پاکستان کی ترقی اور خوشحالی میں کیلئے ایک گیم چینجر ہے ، سی پیک کے منصوبوں سے نہ صرف پاکستان بلکہ پورے خطے کو فائدہ پہنچے گا ، سی پیک کے تحت پنجاب میں منصوبوں پر تیز رفتاری سے کام جاری ہے۔ ساہیوال میں 1320 میگاواٹ کے کول پاور پلانٹ پر دن رات کام ہو رہا ہے۔ یہ منصوبہ 2017 کے اختتام تک مکمل ہوگا