اسلام آباد(مانیٹرنگ ڈیسک)مالا کنڈ اور گردونواح میں 5.2 شدت کے زلزلے کے جھٹکے محسوس کیے گئے ہیں۔نجی ٹی وی کے مطابق سوات، مالا کنڈ اور گردونواح میں علی الصبح آنے والے زلزلے کے جھٹکوں سے لوگوں میں سخت خوف و ہراس پھیل گیا اور لوگ شدید سردی میں کلمہ طیبہ کا ورد کرتے ہوئے گھروں اور دفاتر سے باہر نکل آئے۔زلزلہ پیما مرکز کے مطابق ریکٹر سکیل پر زلزلے کی شدت 5.2 ریکارڈ کی گئی ہے جبکہ زلزلے کا مرکز کوہ ہندوکش کا پہاڑی سلسلہ ہے اور گہرائی 80 کلومیٹر زیر زمین ریکارڈ کی گئی ہے۔ابتدائی طور پر زلزلے سے ہونے والے نقصانا ت سے متعلق کوئی اطلاعات نہیں۔