اسلام آباد(نیوز ڈیسک) وزیراعظم کے مشیر برائے امورخارجہ سرتاج عزیز نے کہاہے کہ پاک چین اقتصادی راہداری معاشی دولت ہے ٗ سیاسی عزم سے اس کے مخالفین کو شکست دیں گے۔سیمینارسے خطاب کرتے ہوئے سرتاج عزیز نے کہا کہ پاک چین اقتصادی راہداری معاشی سرگرمیوں کیلئے ہے جس سے 10 ہزارمیگا واٹ بجلی بھی سسٹم میں آئے گی، اقتصادی راہداری سے خطے میں غربت میں کمی واقع ہوگی اور اس سے خطے کے لوگ بھی قریب آئیں گے۔مشیر خارجہ نے کہاکہ اقتصادی راہداری پرکام کرنے والے چینی کارکنوں کی سکیورٹی اولین ترجیح ہے، ان کی سیکیورٹی کے لئے الگ فورس بنائی گئی ہے ٗ حکومت اقتصادی راہداری منصوبے سے جڑے چینی ورکرز کی سیکیورٹی یقینی بنائیگی۔