لاہور(نیوزڈیسک)لاہور آتشزدگی،افسوسناک واقعہ،متعددلاشیں نکال لی گئیں،لاہور کے علاقے لوہاری گیٹ میں 4 منزلہ گھر میں آگ لگنے سے 6 افراد جاں بحق ہو گئے۔ ریسکیو ٹیمیں تاخیر سے پہنچیں لوگ اپنی مدد آپ کے تحت آگ بجھاتے رہے۔، لاہور کے علاقے لاہوری گیٹ جھندا بازار میں 4 منزلہ گھر کو آگ لگنے سے 6 افراد لقمہ اجل بن گئے۔ جاں بحق ہونے والوں میں 70سالہ گلشن بی بی، محمد علی، شاہد عائشہ اور شاہد علی شامل ہیں جبکہ 4افراد کو ریسکیو کر لیا گیا۔ ریسکیو ٹیمیں تاخیر سے پہنچنے سے اہل محلہ نے اپنی مدد آپ کے تحت آگ بجھانے کی بے حد کوشش کی۔ اہل علاقہ کا کہنا ہے ریسکیو ٹیمیں تاخیر سے نہ پہنچتیں تو جانی نقصان سے بچا جا سکتا تھا۔ 5 گھنٹے کے بعد آگ پر قابو پالیا گیا تاہم کولنگ کا عمل جاری ہے آگ سے عمارت کی دو منزلیں مکمل طور پر تباہ ہو گئیں۔