نئی دہلی(نیوزڈیسک )وزیر اعظم نواز شریف جو اس وقت سری لنکاکے دورے پرہیں ان سے بھارتی وزیراعظم نریندر امودی سے ٹیلیفونک رابطے کے بعد بھارٹی میڈیا نے دعوی کیا ہے کہ بھارت نے وزیر اعظم نواز شریف کو کالعدم تنظیم ”جیش محمد “ کے خلاف کاروائی کرنے کے لئے 72گھنٹوں کا الٹی میٹم دیا ہے۔بھارتی ٹی وی چینل ”زی نیوز “ کے مطابق پاکستانی وزیر اعظم نواز شریف نے نریندر مودی کو ٹیلی فون کر کے ”پٹھان کوٹ “حملے میں پاکستان کی ہر ممکن مدد اور تعاون کا یقین دلایا ہے اور کہا ہے کہ پاکستان قصورواروں کے خلاف سخت کاروائی کرے گا۔بھارتی ٹی وی کے مطابق اس سے قبل بھارت کے قومی سلامتی کے مشیر اجیت ڈوول نے اپنے پاکستانی ہم منصب نصیر ججا کو ”پٹھان کوٹ “حملے کے ثبوت دیتے ہوئے ٹھوس کارروائی کرنے کا مطالبہ کیا تھا۔جبکہ پاکستان کا کہنا ہے کہ بھارت کی طرف سے پیش کئے گئے ثبوتوں کی روشنی میں دہشت گردوں کے خلاف کاروائی شروع کر دی گئی ہے۔