اتوار‬‮ ، 12 اپریل‬‮ 2026 

پاکستانی سرمایہ کار سری لنکا میں سیمنٹ اور شوگر ملز لگانے میں دلچسپی رکھتے ہیں

datetime 5  جنوری‬‮  2016 |

کولمبو(نیوزڈیسک) وزیراعظم نواز شریف نے کہا کہ پاکستانی سرمایہ کار سری لنکا میں سیمنٹ اور شوگر ملز لگانے میں دلچسپی رکھتے ہیں۔وزیراعظم نواز شریف نے سری لنکا کے ساتھ دفاع اور تجارت سمیت دیگر شعبوں میں تعاون بڑھانے پر زور دیا۔منگل کو سری لنکا کے دارالحکومت کولمبو میں نواز شریف نے سری لنکن ہم منصب سے ملاقات کی اور دونوں ممالک کے درمیان دوطرفہ تعلقات کو فروغ دینے کے لیے مفاہمت کی آٹھ یاداشتوں پر دستخط ہوئے ہیں۔ان یاداشتوں کے مطابق پاکستان اور سری لنکا کے درمیان صحت، تعلیم، تجارت، سائنس و ٹیکنالوجی اور قیمتی پتھروں کے شعبوں میں تعاون کو بڑھانے پر زور دیا گیا ہے۔پاکستانی وزیراعظم نواز شریف کولمبو کے صدارتی محل پہنچے تو ا±ن کا شاندار استقبال کیا گیا۔ایک برطانوی خبررساں ادارے کے مطابق وزیراعظم نواز شریف نے اپنے اعزاز میں تقریب سے خطاب کے دوران کہا کہ دونوں ملکوں کے درمیان بہترین تعلقات ہیں لیکن ان تعلقات کو مزید گہرا کرنے کی ضرورت ہے۔انھوں نے کہا کہ پاکستان اور سری لنکا کے درمیان باہمی تجارت کا سالانہ حجم ایک ارب ڈالر تک بڑھانے کا ہدف مقرر کیا ہے۔یاد رہے کہ پاکستان اور سری لنکا کے درمیان اوسطً سالانہ تجارتی حجم 32 کروڑ 50 لاکھ ڈالر ہے۔دونوں ملکوں نے اس بات پر اتفاق کیا کہ وہ مشترکہ طور پر منی لانڈرنگ کے خاتمے کے لیے اقدامات کریں گے اور دہشت گردوں کی مالی معاونت کے نیٹ ورک کو بھی ختم کیا جائے گا۔وزیراعظم نواز شریف نے کہا کہ پاکستانی سرمایہ کار سری لنکا میں سیمنٹ اور شوگر ملز لگانے میں دلچسپی رکھتے ہیں۔ جس سے سری لنکا کو فائدہ ہو گا۔پاکستان کے وزیراعظم نواز شریف نے سری لنکا کے ساتھ مشترکہ عسکری مشقوں کو سراہا اور کہا کہ وہ چاہتے ہیں کہ پاکستان اور سری لنکا کے درمیان تواتر سے دفاعی مشقیں ہوں اور دفاعی تعاون میں اضافہ ہوا۔

آج کی سب سے زیادہ پڑھی جانے والی خبریں


کالم



لفظ اضافی ہوتے ہیں


نیویارک کے اطالوی ریستوران میں نوجوان لڑکی نے…

ایرانی لوگ کیسے ہیں(آخری حصہ)

ایران کا دوسرا کمال سیاحت ہے‘ میں 120 ملک گھوم…

ایرانی لوگ کیسے ہیں(پہلا حصہ)

جون 2025ء تک ایران میں پاکستان کا تاثر اچھا نہیں…

مشہد میں دو دن (آخری حصہ)

ہم اس کے بعد حرم امام رضاؒ کی طرف نکل گئے‘ حضرت…

مشہد میں دو دن

ایران کے سفر کی پہلی تحریک حسین باقری تھے‘ یہ…

ایران کیا تھا اور کیا ہو گیا

پیارے قارئین: ایران محض ایک ملک نہیں ہے یہ پہلی…

ایران کے لیے واحد آپشن

بوروڈینو (Borodino) ماسکو سے ایک سو تیس کلو میٹر دور…

ہیکل سلیمانی

اللہ تعالیٰ کا حضرت دائود ؑ پر خصوصی کرم تھا‘…

مذہب کی جنگ(آخری حصہ)

اسرائیل میں میرا ایک دوست رہتا ہے‘ عمویل مطات‘…

مذہب کی جنگ(پانچواں حصہ)

برطانیہ نے دوسری جنگ عظیم کے بعد دنیا میں دو خطے…

مذہب کی جنگ(چوتھا حصہ)

یہودیوں اور مسلمانوں کے درمیان اختلاف واقعہ…