اسلام آباد (نیوز ڈیسک ) ملک کے بیشتر علاقوں میں زلزلے کے جھٹکے محسوس کیے گئے اطلاعات کے مطابق دیر بالا اور لوئر دیر ‘ایبٹ آباد ‘پشاورچترال ‘ سرگودھا ‘ اسلام آباد سمیت لاہور میں زلزلے کے شدید جھٹکے محسوس کیے گئے۔ زلزلے کی شدت 5.8ریکارڈ کی گئی جبکہ زلزلے کا مرکز کوہ پیما ہندکش ہے ‘ زلزلے کی گہرائی 175کلومیٹر تک محسوس کی گئی۔ لاہور،اسلام آباد، پشاور، سوات اور گردونواح کے علاقوں میں زلزلے کے جھٹکے محسوس کیے گئے ہیں۔ تفصیلات کے مطابق خیبرپختونخوا ، اسلام آباد اور پنجاب کے مختلف علاقوں میں زلزلے کے جھٹکے محسوس کیے گئے ہیں۔ زلزلے کے مرکز اور نوعیت کا تاحال اندازہ نہیں ہوسکا لیکن زلزلے کے جھٹکے شدید ہونے کی وجہ سے لوگوں میں سخت خوف و ہراس پھیل گیا اور لوگ اپنے دفاتر اور گھروں سے کلمہ طیبہ کا ورد کرتے ہوئے باہر نکل آئے۔