لاہور(مانیٹرنگ ڈیسک) سینئر صحافی احمد قریشی نے انکشاف کیاہے کہ ڈاکٹر عاصم حسین کو رہاکرنے یا کوئی سمجھوتہ کرنے پر کوئی اتفاق نہیں کیاگیا، اس ضمن میں وزیراعلیٰ سندھ اور وزیراعظم نوازشریف کی ملاقات سے ماخوز بیان کی بھی تصدیق نہیں ہوسکی جبکہ آرمی چیف نے واضح کیاکہ 2016ءملک دشمنوں کا سال ہوگا، دہشتگردی اور کرپشن کا گٹھ جوڑتوڑدیں گے۔ نجی ٹی وی چینل پر اپنے پروگرام میں گفتگوکرتے ہوئے احمد قریشی نے حکومت کے معتبر ذرائع کے حوالے سے انکشاف کیاکہ ڈاکٹر عاصم کیخلاف موجود سنگین الزامات پر تاحال کوئی سمجھوتہ نہیں ہوا اور نہ ہی رینجرز کے معاملے میں کوئی سمجھوتہ کیاگیا، تاریخ میں پہلی مرتبہ ایساہواہے کہ صدر پاکستان کے مشیر خاص کو دہشتگردوں کو سہولیات دینے یا ان کا علاج کرنے کے الزامات میں پکڑاگیا، چاہے وہ طالبان کے دہشتگردہوں یا سیاسی دہشتگرد، ڈاکٹرعاصم کی رہائی کے اب تک کوئی امکانات نہیں ، وزیراعظم سے ون ٹوون ملاقات اور قائم علی شاہ کے بیانات کے بعد یہ باتیں بھی آئی تھیں کہ رینجرز کو ڈاکٹرعاصم پر ہاتھ نہیں ڈالناچاہیے تھا یا پھر وزیراعلیٰ سندھ کو پہلے اعتماد میں لیناچاہیے تھا، اس کی کوئی تصدیق نہیں ہوسکی لیکن نوازشریف کا واضح موقف ہے کہ کراچی آپریشن پر کوئی سمجھوتہ نہیں کیاجائے گا۔ احمد قریشی نے بتایاکہ ابھی تک جونظرآرہاہے ، 2016ءہی وہ سال ہوگا جس دوران پہلی مرتبہ سیاسی خرابیوں یا گند کی صفائی ختم ہوجائے گی۔دوسری طرف جنرل راحیل شریف واضح کہہ چکے ہیں کہ نیا سال قومی یکجہتی کا سال ہوگا ، گوادر پورٹ کی ترقی سے مقامی افراد کیلئے نئے مواقع پیدا ہوں گے اور اس لیے پورٹ کو فعال کرنے کے لیے بھرپورتعاون کریں گے ، ا±نہوں نے کہاکہ قوم سے تعاون سے ہی انصاف اور امن کی راہ ہموار کی جائے گی اور دہشتگردی و کرپشن کا گٹھ جوڑ توڑ دیں گے