نئی دہلی (نیوزڈیسک)بھارت کے صوبہ پنجاب میں پٹھان کوٹ ایئربیس پرنامعلوم افراد کے حملے میں 4بھارتی فوجی ہلاک اور چھ زخمی ہوگئے جبکہ جوابی کارروائی میں چار حملہ آور بھی مارے گئے ، اطلاعات کے مطابق دوحملہ آور ابھی بھی عمارت میں موجود ہیں تاہم بھارتی میڈیا کاکہناہے کہ ایئربیس پر موجود ہیلی کاپٹر اور طیارے محفوظ ہیں۔ بھارتی میڈیا کادعویٰ ہے کہ پولیس افسر سے گورداس پور کے علاقے سے گزشتہ روز چھینی گئی گاڑی میں حملہ آور آئے جنہوں نے فوج کی وردیاں پہن رکھی تھیں ، بھارتی سیکیورٹی فورسز کاکہناتھاکہ حملہ آور وں کا ہدف اہم تنصیبات کو نشانہ بناناتھاتاہم کامیاب نہیں ہوسکے۔ حکام کے مطابق تاحال آپریشن جاری ہے اور دوسے تین مسلح حملہ آور موجود ہیں۔ ادھر نئی دہلی میں اعلیٰ سطحی ہنگامی اجلاس طلب کر لیا گیا ہے جس میں سارے واقعے سے متعلق امور پر غور کیا جائیگا۔جبکہ ایئر بیس پر حملہ، بھارت کا اپنا رچایا ڈرامہ نکلا، بھارتی حکام نے حملے کی باقاعدہ منصوبہ بندی کی، عینی شاہدین کا کہنا ہے کہ گزشتہ روز ایئر بیس کے مین گیٹ سے بیریئر ہٹا دئیے گئے تھے اور قریبی دکانیں بھی جلد ہی بند کروا دی گی تھیں۔ آپ اپنے دام میں صیاد آ گیا۔ پٹھان کوٹ ایئر بیس پر حملہ بھارتی حکام کا رچایا ہوا ڈرامہ نکلا۔ بھارتی شہریوں نے اپنی حکومت کا بھانڈا پھوڑ دیا۔ عینی شاہدین کے مطابق، گزشتہ روز ایئر بیس کے مرکزی گیٹ کے باہر لگے حفاظتی بیرئیر ہٹا دئیے گئے تھے اور قریبی دکانیں بھی جلد بند کروا دی گئی تھیں۔ پاکستانی سرحد کے قریب رچائے گئے اس بھارتی ڈرامے میں حملہ آور ملٹری یونیفارم میں ملبوس اور سرکاری گاڑی میں سوار تھے۔ سوال یہ ہے کہ حملہ آور اگر پاکستانی تھے تو ان کے لئے بھارتی سرکاری گاڑی اور فوجی یونیفارم کا اہتمام کیسے ہوا۔ حملے کے دوران ہی کال ٹریس بھی ہو گئی۔ حملہ آوروں کے شناختی کارڈ بھی مشکوک نکلے۔ بھارت اور پاکستان میں جب بھی مذاکرات کا آغاز ہونے لگتا ہے، اچانک بھارت میں دہشت گرد حملہ ہوتا ہے اور سب کئے کرائے پر پانی پھر جاتا ہے۔