اسلام آباد(مانیٹرنگ ڈیسک) وفاقی حکومت نے لاکھوں کلومیٹر طویل سڑکوں سمیت 69 اہم قومی ادارے فروخت کرنے کا فیصلہ کرلیا ہے۔ دنیا نیوز کی رپورٹ کے مطابق ان دنوں پی آئی اے کی نجکاری کے حوالے سے کافی واویلا مچایا جارہا ہے لیکن وفاقی حکومت نے صرف پی آئی اے ہی نہیں بلکہ 69 اہم قومی اداروں کی نجکاری کرنے کا فیصلہ کرلیا ہے۔ وفاقی حکومت کی طرف سے نجکاری کیلئے بنائی گئی فہرست میں پی آئی اے، محکمہ ریلوے، نیشنل شپنگ،نیشنل ہائی وے اتھارٹی، پورٹ قاسم،بجلی کی تقسیم کار کمپنیاں ، لیسکو، فیسکو، میپکو، ہیسکو، آئیسکو، سوئی ناردرن، سوئی سدرن، نیشنل بنک، سٹیٹ لائف، یوٹیلٹی سٹورزاور دیگر ادارے شامل ہیں۔ علاوہ ازیں حکومت پاکستان لاکھوں کلومیٹر طویل سڑکیں بھی فروخت کرنے کا ارادہ رکھتی ہے۔