کراچی(نیوز ڈیسک)کراچی کے مختلف علاقوں میں سیکورٹی اداروں نے کارروائی کرکے لیاری گینگ وارکے 4 کارندوں کو گرفتارکرلیا جبکہ گلبہار کالونی سے 5مشتبہ افراد حراست میں لے لیے گئے۔ذرائع کے مطابق چاکیواڑہ کے علاقے میں رینجرز نے ٹارگٹڈ کاروائی کرکے 4مشتبہ افراد کو حراست میں لے لیاحراست میں لئے گئے افراد کا تعلق لیاری گینگ وار کے بابا لاڈلہ گروپ سے ہے۔گلبہار کالونی میں قانون نافذ کرنے والے ادارے کے اہلکاروں نے ٹارگٹڈ سرچ آپریشن کیا، اس دوران 5 مشتبہ افراد کو حراست میں لے کر تفتیش کے لئے نامعلوم مقام پر منتقل کردیا گیا،حراست میں لئے گئے افراد سے اسلحہ بھی ملا ہے۔