واشنگٹن(نیوز ڈیسک)امریکا نے مردان میں خودکش دھماکے کی شدید مذمت کی ہے، امریکی محکمہ خارجہ کا کہنا ہے کہ قیمتی انسانی جانوں کا ضیاع کسی صورت قبول نہیں۔بدھ کو واشنگٹن میں امریکی محکمہ خارجہ کے نائب ترجمان مارک ٹونر نے بریفنگ میں کہا کہ پاکستانی عوام ایک محفوظ اورخوش حال ملک کے خواہاں ہیں، دہشت گردی کے خلاف جنگ میں پاکستانی حکومت اور عوام کے ساتھ ہیں، قیمتی انسانی جانوں کا ضیاع کسی صورت قبول نہیں۔انہوں نے مردان دھماکوں میں جاں بحق افراد کے لواحقین سے ہمدردی اور تعزیت کا اظہار بھی کیا۔