لاہور(ویب ڈیسک) نواز شریف کی نواسی اور مریم نواز کی صاحبزادی مہرالنساء26 دسمبر کو پیا گھر سدھار جائیں گی ۔ جاتی عمرہ میں مایوں کی رسم سے شادی کی تقاریب کا آغاز ہوگیا ۔وزیراعظم نے اپنی نواسی مہر النساءدلہا راحیل منیر اور ان کے والد چوہدری منیر کیساتھ تصاویر بھی بنوائیں ۔خوشی کی اس تقریب میں شریف خاندان کے افراد اور عزیز واقارب نے شرکت کی ۔ 26 دسمبر کو بارات آئے گی اور مریم نواز اپنی صاحبزادی مہر النساءکو رخصت کریں گی جب کہ 27 دسمبر کو ولیمہ ہوگا۔یاد رہے کہ مہرالنساءصفدر کا نکاح رواں برس جولائی میں مسجد نیوی میں معروف صنعت کار اور پاکستان میں ابوظہبی حکومت کے نمائندے میاں منیر کے صاحبزادے راحیل منیر کیساتھ پڑھایا گیا تھا۔