اسلام آباد (مانیٹرنگ ڈیسک) پاکستان کے وفاقی تحقیقاتی ادارے نے لندن میں رہائش پذیر متحدہ قومی موومنٹ کے قائد الطاف حسین کو انٹر پول کے ذریعے گرفتار کرنے کا فیصلہ کیا۔وفاقی دارالحکومت اسلام آباد میں ایف آئی اے ہیڈ کواٹر میں متحدہ کے غیر فعال رہنما عمران فاروق کے قتل کیس پر 9 گھنٹے طویل اجلاس ہوا جس میں مشترکہ تحقیقاتی ٹیم کے ارکان شریک ہوئے ۔اجلاس میں عمران فاروق قتل کیس میں نامزد ملزمان الطاف حسین ، محمد انور ، افتخار حسین اور معظم کی گرفتاری کیلئے اقدامات کا حتمی فیصلہ کیاگیا ۔پاکستانی میڈیا کے مطابق ایف آئی اے ملزمان کی گرفتاری کیلئے انٹر نیشنل پولیس کو خط لکھے گی اورانہیں پکڑواکر پاکستان منگوایا جائیگا۔