اسلام آباد(نیوز ڈیسک)رینجرز نے ڈاکٹر عاصم حسین کیس کے نئے پراسیکیوٹر کی تعیناتی سندھ ہائیکورٹ میں چیلنج کردی ہے جسے فوری سماعت کیلئے منظور کرلیا گیا ہے۔ تفصیلات کے مطابق حکومت سندھ نے پراسیکیوٹر مشتاق جہانگیری کو ہٹا کرسینئر وکیل نثاردرانی کوسرکاری وکیل تعینات کیا ہے جس کیخلاف رینجرز نے سندھ ہائیکورٹ سے رجوع کرلیا ہے۔درخواست میں موقف اپنایا گیا ہے کہ سندھ حکومت مقدمے پر اثرانداز ہونے کی کوشش کررہی ہے ۔ درخواست کی سماعت جسٹس نعمت اللہ پھلپوٹو کی سربراہی میں 2 رکنی بنچ کرے گا۔