کراچی (آئی این پی)کراچی کے علاقے گلشن اقبال بلاک 10 میں رہائشی عمارت اچانک چار انچ زمین میں دھنس گئی جس کے باعث دیواروں میں دراڑیں پڑ گئیں اور عمارت ہلنے لگی، انتظامیہ نے بلڈنگ سیل کر کے عمارت گرانے کا فیصلہ کر لیا ، قریبی عمارتوں کو بھی خالی کرا لیا گیا ۔تفصےلات کے مطابقگلشن اقبال بلاک 10 میں سینٹرل کوآپریٹو ہاو¿سنگ سوسائٹی کے مکینوں پر اچانک ہی مصیبت آن پڑی،120 گز پر بنی 5 منزلہ رہائشی عمارت 4 انچ زمین میں دھنس گئی اور ایک طرف کو جھک گئی۔ عمارت میں جگہ جگہ دراڑیں پڑ گئی ہیں جس کے بعد فوری طور پر تمام فلیٹس اور دکانیں خالی کرا لی گئیں۔اس بلڈنگ کے اطراف میں بنی دیگر عمارتوں کو بھی خالی کرا لیا گیا ہے، اسسٹنٹ کمشنر ضلع شرقی شوکت علی کا کہنا ہے کہ اب اصل مسئلہ بلڈنگ گرانے کا ہے۔ رہائشیوں کا کہنا ہے کہ عمارت گرنے سے ان کا سب کچھ ختم ہو جائے گا۔ علاقہ مکینوں کے مطابق اس عمارت کی تعمیر مختلف مراحل میں ہوئی ہے۔ 4 منزلوں کے بعد پانچویں منزل پر اضافی پینٹ ہاو¿س بنا دئیے گئے۔ انتظامیہ نے عمارت کو سیل کر دیا ہے اور بلڈر کی تلاش شروع کر دی ہے۔