منگل‬‮ ، 26 مئی‬‮‬‮ 2026 

کراچی میں شکست پرتحریک انصاف کے رہنما علی زیدی قربانی کا بکرا بننے کیلئے تیار

datetime 7  دسمبر‬‮  2015 |

اسلام آباد(نیوز ڈیسک) کراچی میں بلدیاتی انتخابات میں متحدہ کے ہاتھوں تحریک انصاف کی بدترین شکست کے بعد پی ٹی آئی کراچی کے آرگنائزرعلی زیدی سے استعفی طلب کرلیاگیا ہے۔ذرائع کے مطابق عمران خان نے تحریک انصاف کی کراچی میں شکست پرمقامی قیادت سے ناراضی کااظہارکیا ہے، پی ٹی آئی کے چیئرمین عمران خان کو کراچی کے بلدیاتی انتخابات میں شکست سے سیاسی طور پر دھچکا پہنچا ہے۔ دریں اثنا علی زیدی نے کہا کہ ہم آج اسلام آباد جا رہے ہیں، عمران خان جو فیصلہ کریں گے وہ مجھے قبول ہوگا، میں سیاست میں کسی عہدے کیلیے نہیں بلکہ عوام کی خدمت کے لیے آیا ہوں۔ ایک سوال پرانھوں نے کہ میرے جس بیان کومتنازع بناکر پیش کیاجارہاہے میں اس پرقائم ہوں، میں تو یہ بھی کہتا ہوں کہ بھارت میں جن لوگوں نے مودی کو ووٹ دیے انھیں بھی شرم آنی چاہیئے۔ دوسری جانب ذرائع کا کہنا ہے کہ علی زیدی باضابطہ استعفی دینے کے بجائے ازخود مستعفی ہونے پر غور کر رہے ہیں۔دوسری جانب پی ٹی آئی کراچی کے کارکنوں نے پی ٹی آئی کی شکست کی ذمے داری مقامی رہنماو¿ں پر عائد کردی، پی ٹی آئی کے کارکنوں نے کراچی کے بلدیاتی انتخابات میں بدترین شکست کے بعد انصاف ہاو¿س کے سامنے مقامی قیادت کے خلاف احتجاج کیا۔ اس موقع پر کارکنوں کا کہنا تھا کہ تحریک انصاف کی قیادت نے نظریاتی کارکنوں کو نظراندازکیا ہے، عمران خان سے مقامی قیادت غریب ورکرز کو ملنے نہیں دیتی ہے جس سے پارٹی کو نقصان پہنچا ہے، کارکنان نے اس موقع پر گوعارف علوی گو، گو علی زیدی گو اور گو خرم شیرزمان گو کے نعرے لگائے۔پی ٹی آئی کوایم کیو ایم کے ہاتھوں کراچی میں رواں برس یہ دوسری بڑی شکست کا سامنا کرنا پڑا ہے، بلدیاتی الیکشن میں ایم کیوایم سے مقابلہ کرنے کیلیے تحریک انصاف نے جماعت اسلامی سے مل کر2 جماعتی اتحاد قائم کیا تھا، عمران خان نے انتخابی مہم کی براہ راست مانیٹرنگ بھی کی اور گزشتہ ہفتے اس مہم کے سلسلے میں عمران خان نے کراچی سمیت سندھ بھر کا تفصیلی دورہ کیا تھا، عمران خان کا دورہ کراچی بھی پی ٹی آئی کو شکست سے نہ بچا سکا۔

آج کی سب سے زیادہ پڑھی جانے والی خبریں


کالم



اللہ سے خوش قسمتی مانگو


’’علم کے ساتھ مقدر بھی چاہیے‘ تم خوش قسمتی کی…

’’پیٹر تم دس دن کہاں غائب رہے‘‘

کیلیفورنیا کے اس نرسنگ سکول کا پرچہ بہت دل چسپ…

پانچ سو ڈالر

وہ محمد منور کو تلاش کر رہا تھا‘ اس نے محمد منور…

تھینک گاڈ

برطانیہ کی کلارک فیملی اس کی شان دار مثال ہے‘…

آئی سٹل لو یو

یہ بنیادی طور پر محبت کی کہانی تھی‘ جارج سمتھ…

’’آزادی کی ہوا چل رہی ہے‘‘

یہ 1882ء کی ایک گرم دوپہر تھی‘ ہارورڈ یونیورسٹی…

موسمی پرندے

’’ مجھے سمجھ نہیں آ رہی‘‘ نوجوان وزیر نے دانشور…

آپریشن بنیان المرصوص (آخری حصہ)

سر ونسٹن چرچل لوگوں کو ہمیشہ خوش نصیبی کی دعا…

آپریشن بنیان المرصوص (چوتھا حصہ)

مئی کی پاک بھارت جنگ پہلگام کے واقعے سے سٹارٹ…

آپریشن بنیان المرصوص(تیسرا حصہ)

ہمیں کہانی کو آگے بڑھانے سے قبل ایک اور حقیقت…

آپریشن بنیان المرصوص(دوسرا حصہ)

ظہیر احمد بابر کا کیریئر بظاہر ائیر کموڈور پر…