کراچی(نیوز ڈیسک)کراچی میں وزیراعلیٰ سید قائم علی شاہ کی زیرصدارت سندھ ایپکس کمیٹی کا اجلاس جاری ہے،ڈی جی رینجرز میجرجنرل بلال اکبر نے ٹارگٹڈ آپریشن پر بریفنگ دی اور نیشنل ایکشن پلان پر عملدرآمد کے اقدامات سے آگاہ کیا۔ذرائع کے مطابق اجلاس میں گورنر سندھ ڈاکٹر عشرت العباد خان ،صوبائی وزراء4 ،کورکمانڈر کراچی نوید مختار،چیف سیکریٹری سندھ سمیت اعلیٰ عہدیداران شریک ہیں۔اجلاس میں پاک فوج ،رینجرز کے جوانوں کی شہادت پر افسوس اور تشویش کا اظہار کیا گیا اور ملٹری پولیس کے شہداء4 کیلئے فاتحہ خوانی کی گئی۔ذرائع کے مطابق سندھ حکومت کی جانب نیشنل ایکشن پر عمل درآمد سے متعلق اقدامات سے آگاہ کیا گیا ،اس موقع پر وزیراعلیٰ سید قائم علی شاہ نے کہا کہ ہمارا فرض ہے کہ نیشنل ایکشن پلان پر مکمل عمل کریں۔اجلاس سے قبل وزیراعلیٰ سندھ اور گورنر سندھ نے ڈی جی رینجرز اور کورکمانڈر کراچی سے علیحدہ ملاقاتیں کیں۔