راولپنڈی (آن لائن )کسٹم عدالت نے ماڈل ایان علی کی کرنسی اسمگلنگ کیس میں پاسپورٹ کی حوالگی کے لیے شخصی ضمانت اور10،10لاکھ روپے کے ضمانتی مچلکے منظور کرتے ہوئے پاسپورٹ انکے حوالے کر دیا ہے ۔ میڈیا رپورٹس کے مطابق ماڈل ایان علی عدالت سے پاسپورٹ کی واپسی کے لیے منگل کے روز چوتھی مرتبہ عدالت میں پیش ہوئی ہیں اور 10لاکھ نقد کے ساتھ 10,10لاکھ ضمانتی مچلکے جمع کرائے ہیں جس پر عدالت نے ماڈل ایان علی کی شخصی ضمانت اور مچلکے منظور کرتے ہوئے پاسپورٹ واپس کر دیا ہے ، پاسپورٹس کی واپسی کے بعد میڈیا سے گفتگو کرتے ہوئے ایان علی نے کہا کہ ،پاسپورٹس ملنے کی خوشی ہے لیکن ابھی بڑا امتحان باقی ہے میرا نام ای سی ایل میں ہے جب تک نام ای سی ایل میں ہے باہر نہیں جا سکتی ، ملک سے باہر بھاگنے کی خواہش مند نہیں ابھی قانونی جنگ لڑنی ہے ، عدلیہ کا حترام کرتی ہوں مجھے یقین ہے انشا اللہ کرنسی اسمگلنگ کیس میں بھی باعزت بری ہو جاﺅں گی ، میڈیا اور عدلیہ نے حق سچ کا ساتھ دیا جس پر انکی شکرگزار ہوں ۔واضح رہے کہ ماڈل ایان علی کو 14مارچ کو کرنسی اسمگلنگ کے الزام میں بینظیر بھٹو انٹرنیشنل ائیرپورٹ اسلام آباد سے گرفتار کیا گیا تھا ماڈل ایان علی کے پاس سے ساڑھے 5لاکھ سے زائد امریکی ڈالر برآمد ہوئے تھے اور انسے 3پاسپورٹس بھی برآمد ہوئے تھے ۔